20 мая 15.00-23.00
Сёлета ў межах Міжнароднай акцыі «Ноч музеяў» 20 мая запрашаем наведаць арт-прастору «Талстога, 7», дзе мы падрыхтавалі некалькі цікавых сустрэч і мерапрыемстваў.
Праўда, сустрэцца прапануем не ў арт-прасторы, а на Ратушнай плошчы, адкуль у 15:30 разам з архітэктарам Глебам Арлоўскім пойдзем на «Талстога, 7» па Падзвінскай вуліцы. Што гэта за вуліца, яе адметнасці, гістарычныя і архітэктурныя асаблівасці – Глеб Арлоўскі пра ўсё раскажа.
У 16:30 у арт-прасторы нас будзе чакаць скульптар Сяргей Сотнікаў. Ён раскажа пра сваю выставачную залу, дзе зараз экспануецца вялікая колькасць яго работ, у тым ліку макеты вядомых віцебскіх помнікаў.
У гэты дзень у арт-прасторы вас чакае два майстар-класы. Першы – майстар-клас па выцінанцы Наталлі Каньковай – пачнецца а 17-й гадзіне. У арт-прасторы працуе шыкоўная выстава, дзе мастачка прадставіла лепшыя творы апошніх гадоў працы. У “Ноч музеяў” Наталля Канькова раскажа пра сваю выставу і пакажа, як ствараюцца шэдэўры.
У 18:30 пачне працу калажная майстэрня @hanna_karaseva.art Ганны Карасёвай. Будзем выразаць, клеіць і ствараць цікавыя рэчы на тэму ўсё той жа вуліцы Падзвінскай.
У 20:30 запрашаем паглядзець фільм “Старик Хоттабыч”. Пры чым тут Хатабыч і што яго звязвае з Віцебскам, вы ўжо будзеце ведаць ад Глеба Арлоўскага.
І скончым вечар светлавым перформансам ад студыі @shine_flow_ “Shine flow”, які пачнецца ў 22:00.
Уваход у музей стандартны:
- 5 рублёў для дарослых,
- 2,5 для школьнікаў і студэнтаў.
Усё, што на вуліцы, – бясплатна.
Астатнія нашы філіялы ў суботу працуюць у звычайным рэжыме: з 11:00 да 19:00.
