Ночь музеев 2022, Национальный художественный, Минск

22 мая запрашаем на працяг акцыі «Ноч музеяў» у наш філіял «Музей беларускага народнага мастацтва ў Раўбічах», дзе а 14-й гадзіне пройдзе канцэрт ансамбля «Камерныя салісты Мінска».


21 мая з 16:00 да 24:00 чакаем усіх на штогадовай акцыі “Ноч музеяў – 2022. Пачатак каардынат”.

Музей стане адпраўной кропкай у вашым фантастычным падарожжы. Праз прызму ўяўлення вы зможаце пабываць у мінулым і зазірнуць у будучыню, іначай разгледзець звыклыя выявы і надаць ім новыя сэнсы, а для глыбейшага разумення мы прапануем сваю альтэрнатыўнаю мову камунікацыі.

У пачатку каардынат кожны зможа трансфармавацца, каб прадоўжыць сваё падарожжа. Арыенцірам будуць служыць залы нашага музея, а культура краін, якая там прадстаўлена, – вектарамі.

Вас чакаюць: новыя выставы, майстар-класы, падарожжа па Індыі, Французскі салон, гульні для дзяцей, светлавыя інсталяцыі, музычны паказ.

ПРАГРАМА АКЦЫІ:

17:00 Адкрыццё выставы “У. Садзін. Мастацтва вандраваць” (сяродкрыжжа).

17:00–20:00 Гульні для дзяцей “Падарожжа па жанрах” (залы беларускага жывапісу XX – пачатку XXI ст.).

18:00–20:00 Лекцыі і майстар-класы ад Індыйскага культурнага цэнтра (зала мастацтва краін Усходу XVI–XX стст.).

18:00–21:00 Скетч-квэст «Дзённік падарожніка адной Ночы» ад Лізы Емяльянавай (выставачны корпус, 3-ці паверх, 2-я зала).

18:00–20:00 Музычны клуб Gaudium (выставачны корпус, 3-ці паверх).

18:00–20:00 “Павучы вечар / KANVA SHABASH”. Майстар-клас па пляценню з саломы (зала беларускага мастацтва XVII – пачатку XX ст.).

18:30–19:15 Французскі арыстакратычны салон зносін, манер і этыкету (зала мастацтва краін Еўропы XVI–XX стст.).

19:00–20:00 Інклюзіўны эксперымент па альтэрнатыўнай камунікацыі (рускае мастацтва, 5-я зала).

20:00–21:30 Канцэрт A.M.A.D.I.S. Brass (артысты аркестра Вялікага тэатра Беларусі) “Ад класікі да джаза” (сяродкрыжжа).

21:00–22:00 Інклюзіўны эксперымент па альтэрнатыўнай камунікацыі (рускае мастацтва, 5-я зала).

21:30–22:15 Французскі арыстакратычны салон зносін, манер і этыкету (зала мастацтва краін Еўропы XVI–XX стст.).

22:00–23:00 Лекцыі і майстар-класы ад Індыйскага культурнага цэнтра (зала мастацтва краін Усходу XVI–XX стст.).

На працягу ўсёй Ночы музеяў:

  • Выстава злепкаў з фондаў музея з музычным суправаджэннем арфавай музыкі
  • Лаўнж-зона ад анлайн-гіпермаркета 21vek
  • Гастранамічныя вынаходствы па спецыяльных цэнах у музейным кафэ “Культурнае жыццё”
  • Бягучыя выставы музея

Для больш лёгкага вандравання карту музея можна спампаваць на нашым афіцыйным сайце.

 


Кошт білета на акцыю “Ноч музеяў – 2022”:

  • 15 руб. (дарослыя)
  • 7 руб. (навучэнцы).

Па карце госця НММ РБ – бясплатна.

Папярэдні продаж білетаў у касе музея з 18 мая.