Музей «Дом Ваньковичей» | Ночь музеев в Беларуси

ЧАРОЎНАЯ НОЧ У ВАНЬКОВІЧАЎ

20 мая 15:00-22:00

У суботу, 20 мая, з 15:00 да 22:00 у музеі “Дом Ваньковічаў. Культура і мастацтва першай паловы XIX стагоддзя” ў рамках акцыі “Ноч музеяў” адбудзецца творчая праграма “Чароўная ноч у Ваньковічаў”.

У праграме:

15:00–16:00 – “Стужка часу” – знаёмства з радаводам Ваньковічаў і складанне свайго сямейнага дрэва.
16:00–17:00 – Майстар-клас “Сем пакаленняў генеалагічнага дрэва – сем прыступак да пазнання сябе. Ключы да свайго радаводу” ад астролага Анжалікі Шаставец.
16:00–17:00 – Майстар-клас па вырабе аўтарскіх паштовак-выцінанак у рамках выставы “Папяровыя мары”.
15:00–17:00 – “Бяседа пад гарбату” – тэатральная замалёўка ў чайным пакоі.
16:00–18:00 – Дзіцячы куток – размалёўкі, фотазона, майстар-клас “Забяры музей з сабой”, тут кожны ахвочы зможа вырабіць макет музея. Падчас інтэрактыву “Змясці карціну ў раму” вы зможаце пабыць у ролі мастака і стварыць свой аўтарскі нацюрморт з прадстаўленых прадметаў.
17:00–18:00 – Урок рэверанса ад артысткі балета Анастасіі Федарцовай.
17:30–19:00 – Азнаямленне са шляхецкім адзеннем на сармацкіх партрэтах нашай сядзібы. Майстэрня па вырабе ўпрыгожванняў са стужак “Ажурная філігрань”.
18:00–19:00 – Знаёмства з геральдыкай на беларускіх землях. Пакой рамесніка “Шляхецкі сувенір”. На майстар-класе кожны жадаючы зможа стварыць магніт-герб вядомай шляхецкай сям’і альбо сваёй сям’і.
19:00–20:30 – “Музычны вечар у Ваньковічаў” з удзелам студэнтаў і выкладчыкаў Беларускай дзяржаўнай акадэміі музыкі. У праграме прагучаць вакальныя творы кампазітараў розных эпох – ад барока да XXI стагоддзя – заходнееўрапейскіх, беларускіх, рускіх і кітайскіх кампазітараў.
20:30–22:00 – Сюжэтна-гульнявая праграма “Мова веера” пазнаёміць удзельнікаў з гісторыяй і паходжаннем гэтага аксесуара, дазволіць у гульнявой форме асвоіць разнастайнасць веерных знакаў, убачыць вееры ў музейнай калекцыі. Удзельнікі праграмы з дапамогай веера разыграюць сцэны, якія дазволяць ім перанесціся ў іншую гістарычную эпоху, дзе веер адыгрываў ролю найважнейшага элемента свецкага жыцця.