18 мая з 16:00 да 18:00

Ночь музеев 2024 в Беларускай хатке

Ласкава запрашаем усіх, хто жадае патрапіць у чароўную атмасферу музейнай ночы!

Госці святочнага мерапрыемтва змогуць перанесціся ў Мінск пачатак XX стагоддзя, падрабязна пазнаёміцца з насычанай гісторыяй нашага ўтульнага дома, даведацца каму ён належыў і зазірнуць у самае сэрца музея “Беларуская хатка” – мемарыяльны пакой Максіма Багдановіча.

Цямнее край зубчаты бора…
І тчэ, забыўшыся, рука,
Заміж персідскага узора,
Цвяток радзімы васілька.

Вялікі беларускі паэт Максім Багдановіч у сваіх вершах, у тым ліку і ў сваім знакамітым вершы «Слуцкія ткачыхі», апеў сціплую і ў той жа час неверагодна абаяльную кветку – сіні васілёк як сапраўдны сімвал зямлі беларускай.

  • Наведвальнікі мерапрыемства змогуць прыняць удзел у майстар-класе па вырабе васількоў з паперы і нітак, даведацца пра цікавыя факты гэтай расліны, паслухаць прыгожыя вершы і паўдзельнічаць у рашэнні загадак. Культурны праект «Беларускія Валошкі» бібліятэкі сярэдняй школы № 180 г. Мінска.
  • Вашай увазе будзе прадстаўлена музычная праграма хору Vivo vox ( Рус.нар.песня ў апрацоўцы В.Калістратава Таня-Танюша; Муз.Лід Бэлі,аранж. Майры Смайлі Bring Me Little Water,Silvy…).
  • А таксама госці пазнаёмяцца з цікавымі батлеечнымі інтэрмедыямі з жыцця ХІХ стагоддзя, якія звяртаюць нас да вытокаў прафесійнага беларускага тэатра.

Уваход:

  • дашкольнікі – бясплатна;
  • школьнікі, студэнты – 3,00 бел.руб;
  • дарослыя – 6,00 бел.руб.

Адрас: вул.Рабкораўская, 19 (ст.м. “Інстытут культуры”)

Тэл. 375-52-13