22 мая 2026 г. з 18.00 да 22.00 Арт-цэнтр Марка Шагала і Музей гісторыі Віцебскага народнага мастацкага вучылішча запрашаюць на інтэрактыўныя акцыі “Ноч музеяў”, прымеркаваныя да Міжнароднага Дня музеяў.

У 18.00 ад помніка Марку Шагалу на пачатку Пакроўскай вуліцы пачнецца экскурсія-шпацыр “Па небе над Віцебскам”, якая завершыцца ў Музеі гісторыі Віцебскага народнага мастацкага вучылішча.

Падчас акцыі “Ноч музеяў” у Арт-цэнтры Марка Шагала наведвальнікам прапануецца:

• бясплатна наведаць выставу арыгінальнай графікі Марка Шагала з фондаў музея “Марк Шагал. Ад слова да выявы” і праект “1.1.1” мастачак Алены Толабавай, Віялеты Някрасавай і Таццяны Луцэйковіч;
• у 18.00 паўдзельнічаць у майстар-класе Данііла Качуры па стварэнні графічных прац (колькасць месцаў абмежаваная);
• у 19.00 пабываць на аўтарскай экскурсіі па экспазіцыі графікі Марка Шагала і прайсці квэсты;
• у 20.00 пабываць на кінапраглядзе.

Падчас акцыі “Ноч музеяў” у Музеі гісторыі Віцебскага народнага мастацкага вучылішча наведвальнікам прапануецца:

• з 18.00 да 20.00 прайсці «неСупрэматычны квэст»! па залах музея;
• з 18.00. да 21.30 паўдзельнічаць у “Адкрытай калажнай майстэрні” і праслухаць міні-лекцыі па гісторыі і тэхніках калажу;
• у 20.00 паглядзець паказ калекцыі аддзення «00,12» тэатра моды “Надзея” пад кіраўніцтвам дызайнеркі, мастачкі Надзеі Манцэвіч;
• з 19.00 да 20.30 паўдзельнічаць у майстар-класе па лінагравюры ад творчай супольнасці студэнтаў кафедры дызайна ВДТУ (колькасць месцаў абмежавана).

На ўсе мерапрыемствы ў рамках Ночы музеяў УВАХОД ВОЛЬНЫ.