На беразе чароўнай ракі стаяла Вялікае Княства Сула. Не было на гэтай зямлі ні войнаў, ні голаду, бо людзі там мелі шчасце. Яно жыло ў кожным двары - у смеху дзяцей, у ціхім сямейным вечары, у багацці, што само ішло ў рукі.

Але аднойчы прыляцеў Цмок...

...шэры і ціхі, як туман. І пачаў ён збіраць шчасце. Спачатку па адной усмешцы, потым па цёпламу слову, а потым цалкам сцягнуў яго ў свой склеп, дзе ператварыў у шэры попел.

Шаноўнае спадарства! Трэба дапамога!

Запрашаем 16 мая на “Ноч музеяў”.

Пачатак інтэрактыўнай вандроўкі “Паляванне на цмока” а 18:30.

Запрашаем разам вызваліць жыхароў княства.

Парк (лакацыі і кропкі харчавання) працуе да 22:00.

Таксама прапануем застацца ночыць ва ўтульных гатэлях.

Тэлефон для справак: +375 (44) 544-54-51

Для тых, хто застаецца ночыць у нашых гатэлях - уваходныя квіткі на 2 дні (дзень заезда і выезда) у падарунак.