Ужо ў гэтую суботу пройдзе Міжнародная акцыя «Ноч музеяў - 2025». У рамках акцыі мы падрыхтавалі для вас некалькі цікавых мерапрыемстваў, адным з якіх стане «Кветка-квіз».

У праграме:

• 18.00. Адкрыццё выставы «Раслінны матыў у традыцыі беларусаў: тэкстыль, побыт, фальклор». 6+
• 19.00. Дзіцячы конкурс на лепшы кветкавы малюнак крэйдай (на панадворку музея). Аўтары самых прыгожых малюнкаў атрымаюць прызы. 6+
• 20.00; 21.00. «Кветка-квіз» (віктарына на тэму вобразаў раслін у паўсядзённым жыцці; самых эрудыяваных чакаюць прызы). Кошт — 2 руб. Абавязковы папярэдні запіс па тэл. 46-30-41. 12+

Кветка-квіз

Запрашаем усіх жадаючых праверыць сваю эрудыцыю! Пытанні НЕ будуць звязаны з біялогіяй, экалогіяй і г.д. Таму не палохайцеся назвы і смела запісвайцеся на квіз. Мы запрашаем усіх, хто цікавіцца беларускай мовай, культурай, музыкай, літаратурай, мастацтвам.

Пераможцаў чакаюць прыемныя прызы!

Увага! Абавязковы папярэдні запіс па тэл. 46-30-41.

Выстава «Раслінны матыў у традыцыі беларусаў: тэкстыль, побыт, фальклор»

У традыцыйнай культуры беларусаў расліны фарміруюць асяроддзе пражывання чалавека, у той жа час яны з’яўляюцца важным фрагментам духоўнай культуры беларускага народа.

Выстава «Раслінны матыў у традыцыі беларусаў: тэкстыль, побыт, фальклор» раскрывае глыбіню ўзаемадзеяння беларусаў з прыродай праз раслінныя малюнкі і арнаменты ў разнастайных сферах жыцця.