Ночь музеев в Беларуси

У рамках Міжнароднай акцыі “Ноч музеяў – 2025” Дзяржаўны літаратурны музей Янкі Купалы запрашае 17 мая з 14:00 да 23:00 стаць удзельнікам інтэрактыўнай праграмы “100 і 1 ноч”, прысвечанай 100-годдзю надання Янку Купалу звання Народнага паэта Беларусі і 120-годдзю пачатку творчай дзейнасці.

У праграме:

• 14:00-18:00 – сямейны  квэст “Адпачні з Купалам”.
• 18:00-18:30 – адкрыццё выставы “Шляхам гадоў...” да 100-годдзя надання Янку Купалу годнасці народнага паэта Беларусі і куратарская экскурсія.
• 18:00-23:00 – захапляльны квэст па экспазіцыі музея “Яго Вялікасць Слова”. 
• 19:00-20:00 – “Беларуская вечарынка” з Нацыянальным акадэмічным театрам імя Янкі Купалы: урывак са спектакля “Паўлінка”, дэкламацыя вершаў паэта ад Народнай артысткі Беларусі Марыі Захарэвіч разам з гасцямі вечара. 
• 20:00-21:00 – арт-група “Церніца” з батлеечным спектаклем “Купальская містэрыя” (16+). 
• 21:00-22.30 – рэтра-кіно з фондаў музея.
• 21:00-22:30 – сямейны фальклорны калектыў роду Лямбовічаў “Крона” з майстар-класам па народным танцам і спевам. 
• 22:30-22:45 – розыгрыш каштоўнага прыза ад Белдзяржстраха. 

Запрашаем акунуцца ў атмасферу беларускай вечарынкі ў Купалавым доме, стаць і гледачамі, і ўдзельнікамі цікавага дзеяння. Будзем гуляць, спяваць і танчыць разам пад добрую беларускую музыку!

Чакаем вас па вул. Янкі Купалы, 4.