У рамках Міжнароднай акцыі “Ноч музеяў – 2026” Дзяржаўны літаратурны музей Янкі Купалы запрашае 16 мая з 18:00 да 23:00 (каса да 22:30) завітаць на інтэрактыўную праграму “Вечар белых ружаў”.

Вас чакаюць:

• 18:00-18:30 – Прэзентацыя часовай экспазіцыі "Купалаў дом – 100!", прысвечанай 100-годдзю набыцця паэтам дома, на месце якога паўстаў музей.
• 18:00-22:00 – Квест «Дамы́ і да́мы». Выдатная магчымасць прымяніць кемлівасць і знаходлівасць. Па выніках квесту будзе праведзены розыгрыш прызоў!
• 18:30 – “Госці Янкі Купалы: сучасны выгляд”: дэфіле ад студэнтаў кафедры дызайна моды БДУ.
• 20:00-21:30 – «Кінагасцёўня ў Янкі»: дэманструецца першы беларускі мастацкі фільм «Лясная быль». Колькасць месцаў абмежаваная. Каб набыць квіток на кінасеанс, трэба выканаць заданні ў інтэр’ерах Купалавага дома.
• 20:00-20:30 – «Купалаўскі ход»: магчымасць удасканаліць майстэрства ў шахматах – любімай гульне песняра.
• 21:00-22:00 – Майстар-клас па побытавых танцах ад гурта «Скарбніца Традыцый».

Кошт: 15 рублёў (дарослыя), 5 рублёў (школьнікі).

Сакрэтны код на Ноч Музеяў-2026 у Купалавым Доме ў тг-канале музея ў пасце аб “Вечары белых руж”.

Чакаем вас па вул. Янкі Купалы, 4