Блізіцца чарговая Міжнародная акцыя "Ноч музеяў" 2026!

Музей кнігадрукавання, верны сваім традыцыям, далучаецца да акцыі і прапануе гасцям музейнай ночы адчуць на сабе атмасферу старога манастыра і прагуляцца па яго келлях пры свеце свечак.

Экскурсія-тэатралізацыя "У цемры ажываюць цені" (6+) раскажа вам пра зараджэнне беларускага кнігапісання і кнігадрукавання. Вы навучыцеся пісаць пёрамі і набіраць тэкст. З цемры стагоддзяў да вас з'явяцца цені тых, хто спрычыніўся да з'яўлення кніг сотні гадоў назад.

Чакаем вас 16 мая!

Набіраюцца групы да 20 чалавек (дзяцей ад 6 год і дарослых) па папярэднім запісе на 20.00, 20.20, 20.40 і 21.00.

Кошт удзелу: уваходны квіток у музей - 8 руб. для дарослых і 4 руб. для дзяцей.

Тэлефануйце з 11.00 да 19.00 штодня, акрамя панядзелка 8-0214-46-57-25.