НЦСМ традыцыйна далучаецца да штогадовай міжнароднай акцыі «Ноч музеяў».

Сёлета «Ноч музеяў у НЦСМ» пройдзе 16 мая з 19:00 да 23:30 на пляцоўцы па адрасе: вул.Някрасава, 3.

Мы падрыхтавалі для вас насычаную праграму, якая ўключае ў сябе: арт-дыскусію, лекцыю, майстар-клас, artist talk, медытатыўны сэйшн і квэст.

Кошт квітка на Ноч музеяў у НЦСМ - 30 р.

ПРАГРАМА

Распачнем нашу праграму а 19-й гадзіне з лекцыі мастацтвазнаўцы Алесі Іназемцавай "Праекцыя кахання: эратызм у мастацтве" (18+), на якой пазнаёмімся з тэмай сэксуальнасці ў розных культурах і на працягу розных гістарычных эпох. Другая частка лекцыі пройдзе непасрэдна ў залах выставы "Формы і цені: жаночае", дзе на аснове прадстаўленых работ беларускіх мастакоў разгледзім праяву Анімы ў мужчынскай свядомасці.

!Абавязкова рэгістрацыя па спасылцы!

У 19:30 запрашаем на майстар-клас па стварэнні абвесаў для сумак.

!Рэгістрацыя завершана!

У 21:00 адбудзецца арт-дыскусія ў межах выставы "Складанасці перакладу" з куратарам і мастаком Алегам Ладзісавым. Падчас дыскусіі запрашаем усіх, хто цікавіцца абстракцыянізмам (і не толькі), паразважаць на тэмы сувязі аўтара і гледача, неабходнасці або непатрэбнасці падтрымліваць гэтую сувязь, аб гармоніі ў уяўным беспарадку ліній.

!Абавязкова рэгістрацыя па спасылцы!

Затым, у 21:30, чакаем вас на медытатыўным сэйшэне, дзе пад містычнае гучанне @glowofblack вы паглыбіцеся ў прыемную несвядомасць.

У завяршэнні вечара запрашаем вас на artist talk (18+) з Аляксандрам Шаппо ў межах выставы "Формы і цені: жаночае", на якім пазнаемімся бліжэй з творам мастака, які знаходзіцца ў экспазіцыі выставы, літаграфіяй "Ноч пяшчотная" - прызёрам 7-й Міжнароднай трыенале друкаванай графікі ў Кочы (Японія). Аrtist talk адбудзецца ў 22:30.

!Абавязкова рэгістрацыя па спасылцы!

Падчас усёй праграмы вы зможаце прайсці квэст па выставе "Формы і цені: жаночае" і атрымаць падарунак на памяць ад нашага Цэнтра.

Да сустрэчы!