∞ х 10 = ?

18 мая з 18.00 да 23.00 

Ночь музеев 2024 в музее Янки Купалы, Минск

У рамках Міжнароднай акцыі “Ноч музеяў 2024” Дзяржаўны літаратурны музей Янкі Купалы запрашае 18 мая з 18.00 да 23.00 стаць удзельнікам інтэрактыўнай праграмы “∞ х 10 = ?”.

  • 18.00 – 18.30. Прэзентуем выставу “Купалаў Дом – 80” да юбілею Дзяржаўнага літаратурнага музея Янкі Купалы.
  • 19.00 – 20.00. Музейны КВІЗ. Выдатная магчымасць пашырыць свой кругагляд, праверыць эрудыцыю, прымяніць кемлівасць і знаходлівасць, а таксама атрымаць сувеніры!
  • 20.00 – 21.30. Інтэрактыўная праграма “∞ х 10 = ?” Толькі ў гэту ноч музей адкрые 8 захапляльных гісторый, звязаных з цікавымі асобамі, унікальнымі экспанатамі і музейнымі тайнамі.
  • 21.00 – Розыгрыш каштоўнага падарунка ад музея-юбіляра.
  • 21.30 – 23.00. «Фолк-дыскатэка» ад гурта “Aratseya” (Арацэя). Запрашаем адчуць магію этнічнай музыкі і моц старадаўніх матываў у сучасным выкананні. Нас будуць чараваць гукі жаночага вакалу, колавай ліры, ірландскага бузукі і запальная перкусія. Будзем слухаць, спяваць і танчыць разам пад добрую беларускую музыку і сусветныя рок-хіты.

Уваход на мерапрыемства:

  • па ўваходным квітку ў музей (дарослыя – 8.00, студэнты – 6.40),
  • для навучэнцаў, школьнікаў і дашкольнікаў – бясплатна!

Увага: наяўны разлік!