Як і заўсёды, Веткаўскі музей далучаецца да міжнароднай акцыі «ДЗЕНЬ I НОЧ МУЗЕЯЎ» і запрашае ўсіх адсвяткаваць гэта РАЗАМ!

Абавязкова прыходзьце да нас у гэту суботу — 22 мая!

ДЗЕНЬ МУЗЕЯЎ

день музеев 2021 в Ветке

Дзе: г. Ветка, Красная Плошча
Калі: 22 мая 2021, 12:00–16:00

22 мая 2021 года Веткаўскі музей ладзіць акцыю да «Міжнароднага дня музеяў» пад дэвізам «Музей будучыні – музей адзінства».

Пад сваім крылом музей у Ветцы аб’ядноўвае самадзейныя музеі і музейныя комнаты Веткаўскага раёна, фарміруючы своеасаблівы музейны форум рэгіянальнага маштаба. Удзельнікі форума будуць мець магчымасць падзяліцца сваім вопытам і паслухаць іншых падчас круглага стала, прэзентаваць свае музеі і праекты на экспазіцыях, што будуць размешчаны на Краснай Плошчы ў Ветцы. Установы адукацыі змогуць прадставіць шырокай публіцы мастацкія працы вучняў і падлеткаў «Музей будучыні». Працу форума будуць суправаджаць квэст-гульні «Таямніцы Краснай Плошчы» і «Па шляхам Шклярава», інтэрактыўныя экскурсіі па гораду.


НОЧ МУЗЕЯЎ. Трансфармацыя традыцыі

ночь музеев 2021 в Ветковском музее

Дзе: г. Гомель, плошча Леніна, 4А
Калі: 22 мая 2021 г.,  18:00–22:00

Філіял Веткаўскага музея пазіцыяніруе сябе як асяродак вывучэння і папулярызацыі традыцыйнай культуры сярод моладзі, таму ў гэтую «Ноч музеяў» наведвальніку прапануецца адчуць на сабе трансфармацыю традыцыйнай культуры – ад абрадаў з тысячагадовай гісторыяй да сучасных флэшмобаў. З вуснаў моладзі мы пачуем архаічныя спевы, ногі моладзі будуць адбіваць рытмы традыцыйных танцаў. Маладыя майстры падзеляцца сакрэтамі ганчарства, лазапляцення, вырабу тэкстыльных лялек і абрадавых птушак. Канцэртная праграма прадэманструе трансфармацыю традыцыйных спеваў і танцаў ад архаічных карагодаў да сучаснай апрацоўкі традыцыйных рытмаў.

Праца сцэнічнай пляцоўкі:

  • 18:00-18:05 – група спартыўнага танца УА «ГГПК ім. Л.С. Выгоцкага»
  • 18:05-18:20 – народны фальклорны калектыў «Стаўбунскія вячоркі»
  • 18:20-19:00 – выступ «Школкі бытавога танца»
  • 19:00-19:30 – выступ этна-школы «Традыцыя», выступленне ўзорнага інструментальнага ансамбля «Найгрыш», выступ дзіцячага фальклорнага ансамбля «Яромушка»
  • 19:30-19:45 – дэфіле ў традыцыйных строях Веткаўскага, Гомельскага, Рэчыцкага раёнаў, дэфіле ў сучасным адзенні з элементамі традыцыйнага адзення і вышыўкі
  • 20:00-20:30 – выступ фальклорнага ансамбля УА «ГГКI ім. Н.Ф.Сакалоўскага»
  • 20:30-20:45 – выступ «Школкі традыцыйных спеваў»
  • 20:45-21:15 – выступ музычнага праекта «Ряженка»
  • 21:30-22:00 – прагляд фільмаў Зінаіды Мажэйка пад адкрытым небам

Будзем працаваць да апошняга наведвальніка!