Сонца хаваецца за вокнамі, а разам з ім знікае і звыклы, заліты дзённым святлом музей. Застаюцца ў ім экспанаты адзін на адзін з цемрай. Менавіта яна стане галоўнай «гаспадыняй» у Музеі традыцыйнага ручнога ткацтва Паазер’я падчас Міжнароднай акцыі «Ноч музеяў».

16 мая ў 20.00 і 21.00 мы прапануем нашым наведвальнікам паўдзельнічаць у інтэрактыўнай экскурсіі «Знаёмства з музеем у прыцемках». Гэта будзе не проста прагулка па залах музея. Гэта будзе сапраўднае падарожжа праз час, дзе галоўным навігатарам стане ваш дотык і слых. У поўнай цемры, дзе нават самы тонкі праменьчык святла — вялікая раскоша, музейныя экспанаты пачнуць «гаварыць» з вамі…

Дакраніцеся да старажытнага рамяства так, як вы яшчэ ніколі не рабілі. У цемры няма бар’ераў паміж чалавекам і гісторыяй!

Абавязковы папярэдні запіс: па тэл. +375 214 46-30-41