СОН НА КУРГАНЕ
Дзяржаўны літаратурны музей Янкі Купалы запрашае 19 мая з 19.00 да 24.00 стаць актыўным удзельнікам містэрыі “Сон на кургане” у рамках Міжнароднай акцыі “Ноч музеяў 2018”.
Толькі на адну ноч экспазіцыя музея ператворыцца ў чароўны лес, поўны міфічных істот і нечаканых, а таму цікавых здарэнняў, але, як высвятліцца ў фінале, усё, што адбывалася – толькі сон! Не абыдзецца без прыемных сюрпрызаў і падарункаў!
Сустрэча з героямі беларускай міфалогіі ў віртуальнай рэальнасці стане незабыўнай дзякуючы партнёрам музея – стваральнікам гульнёвай версіі праекта LIPA.CLUB.
Не прапусціце! Упершыню ў Мінску выстаўка “Булгакаў – з’ява незаконная” з фондаў літаратурна-мемарыяльнага музея М.Булгакава (г. Кіеў, Украіна).
Каля музея адбудзецца канцэртная праграма ў этна стылі з удзелам гуртоў, яскравае выступленне якіх можна паслухаць абсалютна бясплатна:
- «DZIVASIL»
- «ARATSEYA»
- «KETRI»
- «SHAMAN JUNGLE»
Агромністая тэматычная фотазона даўжынёй звыш 10 метраў дасць магчымасць захаваць прыгожыя моманты жыцця не толькі ў памяці, але і ў асабістай фотагалерэі!
І, канешне, дадатковая прыемная магчымасць – набыць на ўспамін выраб на любы гаманец і густ на Кірмашы рамёстваў!
Толькі 1 раз у год!
Толькі 1 ноч!
Толькі 1 рубель!
Даведкі па тэлефоне 327 78 66
