Музей «Лошицкая усадьба»


МАШЫНА ЧАСУ Ў ЛОШЫЦКАЙ СЯДЗІБЕ

19 мая 2018 г. музей “Лошыцкая сядзіба” – філіял ДУ “Музей гісторыі горада Мінска” у трэці раз прымае ўдзел у міжнароднай акцыі “Ноч музеяў”. У гэты раз мерапрыемства пройдзе пад агульнай канцэпцыяй “Машына часу”, якая дасць магчымасць трапіць у розныя перыяды гісторыі Лошыцкага маёнтка.

Перыяд гісторыі Лошыцы князёў Талачынскіх і Друцкіх-Горскіх прыйшоўся на часы, калі землі Беларусі сталі арэнай еўрапейскіх войнаў. Асаблівае месца ў інтэр’ерах шляхецкіх сядзіб пачала займаць зброя. Стаць сярэднявечным ваяром і папрактыкавацца ў валоданні шабляй Вы зможаце на лужку каля ўваходу ў сядзібны дом.

Лошыца Прушынскіх развівалася ў часы вайны з Напалеонам і строгіх правілаў этыкету, якія прадугледжвалі пэўны тып адзення для разнастайных сітуацый. Пазнаёміцца з вайсковай і свецкай модай пачатку і сярэдзіны ХІХ стагоддзя наведвальнікі мерапрыемства змогуць у межах выставачнага праекта “Куфэрак. Паэтыка моды” у вялікай экспазіцыйнай залі сядзібнага дому.

Лошыца Любанскіх стала цэнтрам свецкага жыцця ваколіц Мінска. Часта ў сядзібе праводзілі музычныя салоны, надзвычай папулярныя сярод мінскага дваранства. Музыка ў Лошыцы гучыць па-асабліваму ўрачыста і святочна, дзякуючы выкладчыкам і навучэнцам Мінскага дзяржаўнага каледжа імя М. І. Глінкі і праграме “Майскія музычныя вечары ў Лошыцкай сядзібе”.

Лошыца савецкая была адным з інтэлектуальных цэнтраў Беларусі, бо ў былым шляхецкім маёнтку працавалі навукоўцы-селекцыянеры. Пазнаёміцца з савецкім плакатным мастацтвам, прысвечаным селекцыянерскай справе, Вы зможаце ў прысядзібным флігелі.

Лошыца падчас рэстаўрацыі вярнула сваю былую веліч. Рэстаўратарамі была праведзена праца па аднаўленню дэкора залаў сядзібнага дома і печаў, якія з’яўляюцца своеасаблівым сімвалам маёнтка. Адчуць сябе рэстаўратарам Вы зможаце ў экспазіцыйнай залі “Археалогія” на другім паверсе сядзібнага дому.

Лошыца сучасная… Яна не можа быць акрэслена падзеямі і часамі, гаспадарамі і гасцямі. Лошыца сучасная – гэта не толькі інтэр’еры і мерапрыемствы, Лошыца сучаснага – гэта атмасфера. Атмасфера якую ствараеце Вы.

У дадатак да тэматычных мерапрыемстваў Вас чакае шмат іншых забаў: гульні XVIII-ХІХ ст. і танцавальная праграма на лужку каля сядзібнага дому, а таксама невялікі сюрпрыз для закаханых, аб якім Вы зможаце даведацца ўжо ў саму музеную “Ноч”.

Лошица, 2018

ПРАГРАМА

19 мая 2018 г.. 18.30 – 23.30

18.30 – 19.20

Гасцей свайго маёнтка рады сустрэць гаспадар Лошыцы Ян Янавіч Любанскі. Ён распавядзе пра паўсядзённае жыццё сядзібы, клопаты вялікага маёнтка, а таксама свае планы па далейшаму развіццю Лошыцы.

19.40 – 20.40 – “Майскія музычныя вечары ў Лошыцкай сядзібе”

Лошыца Любанскіх стала цэнтрам свецкага жыцця ваколіц Мінска. Часта ў сядзібе праводзілі музычныя салоны, надзвычай папулярныя сярод мінскага дваранства. Музыка ў Лошыцы гучыць па-асабліваму ўрачыста і святочна, дзякуючы выкладчыкам і навучэнцам Мінскага дзяржаўнага каледжа імя М. І. Глінкі і праграме “Майскія музычныя вечары ў Лошыцкай сядзібе”.

19.40 – 20.40 – Сядзібныя “petitsjeux” (“маленькія гульні”) XVIIIXIX стагоддзяў

Для аматараў актыўнага вывучэння гісторыі нашы валанцёры падрыхтавалі цудоўную падборку сядзібных гульняў XVIII-XIX стст. На лужку перад сядзібным домам Вы зможаце далучыцца да забаў, за якімі праводзілі час Прушынскія і Любанскія: класікі, бадмінтон, а таксама рыфмы, гульня “у пошту” і шмат іншых гульняў, надзвычай папулярных у свае часы.

20.50 – 21.40 – Шабельная цырымонія

Перыяд гісторыі Лошыцы князёў Талачынскіх і Друцкіх-Горскіх прыйшоўся на часы, калі землі Беларусі сталі арэнай еўрапейскіх войнаў. Асаблівае месца ў інтэр’ерах шляхецкіх сядзіб пачала займаць зброя. Стаць сярэднявечным ваяром і папрактыкавацца ў валоданні шабляй Вы зможаце на лужку каля ўваходу ў сядзібны дом.

21.50 – 22.40 – Лошыца рэстаўрацыйная

Лошыца падчас рэстаўрацыі вярнула сваю былую веліч. Рэстаўратарамі была праведзена праца па аднаўленню дэкора залаў сядзібнага дома і печаў, якія з’яўляюцца своеасаблівым сімвалам маёнтка. Паглядзець на ўнікальныя прадметы, захаваныя падчас рэстаўрацыі сядзібы і адчуць сябе сапраўдным рэстаўратарам Вы зможаце ў экспазіцыйнай залі “Археалогія” на другім паверсе сядзібнага дому.

22.10 – 22.40 – Квэст

Каханне ў Лошыцы былі заўсёды. Заручальны дуб, гісторыя Яўстаха і Ядзвігі Любанскіх – толькі маленькая частка грандыёзнай гісторыі пачуццяў праз стагоддзі. Па гэтай прычыне, мы падрыхтавалі для закаханых пар асаблівы квэст, падрабязна пра які Вы даведаецеся бліжэй да канца “Ночы” ў пані Альжбэты – адной з галоўных дзеючых асоб вечара.

22.40 – 23.30 – Танцавальная праграма

Ці можа сядзіба існаваць без танцаў? Мы ўпэўнены, што не! Таму, напрыканцы “Ночы” Вас чакае танцавальная праграма, у межах якой можна навучыцца танчыць як шляхціч ці шляхцянка XVIII-XIX стагоддзяў. Вялікая гасцёўня стане сапраўдным цэнтрам балявання Лошыцкага маёнтка ў гэты цудоўны майскі вечар, дзякуючы польцы, вальсу, контрдансу і іншым танцам тых часоў.

На працягу ўсяго мерапрыемства ў калідоры прысядзібнага флігеля будзе працаваць экспазіцыя “Лошыца савецкая”, дзе Вы зможаце пазнаёміцца з савецкім плакатным мастацтвам, прысвечаным селекцыянерскай справе.

А ў вялікай экспазіцыйнай залі сядзібнага дому свае дзверы адкрые выстава “Куфэрак. Паэтыка моды”, якая пазнаёміць усіх наведвальнікаў музея з Лошыцай Прушынскіх праз вайсковую і свецкую моду пачатку і сярэдзіны ХІХ стагоддзя.


Адрас: Лошыцкі сядзібна-паркавы комплекс, праезд Чыжэўскіх, д. 8-2, 10.

Час: 19 мая 2018 г., 18.30 – 23.30.

Кошт квітка: 6 рублёў.

Кантактныя дадзеныя: + 375 17 285 18 86, + 375 17 337 24 30.

Адрес: 220030 г. Минск, проезд Чижевских, 8
Телефон: 8 017 285 18 86
E-mail: loshytsa@gmail.com
Время работы музея: 11:00-19:00, выходные: пн, вт.
Сайт: minskmuseum.by/muzej-loshitskaya-usadba

Советуем посмотреть: